Ամերիկացի մասնագետները ստեղծել են արտառոց ներարկիչ, որը կարող է փրկել հրազենային վնասվածք ստացած մարդու կյանքը։

Ինչպես նշում է Daily Mail-ը, պարզապես հարկավոր է այն ներարկել վնասվածքի մեջ, և 15 վայրկյան անց ներարկչի մեջ եղած փոքրիկ սպունգները կփակեն վերքը՝ դադարեցնելով արյունահոսությունը։

Ներարկիչը գործում է նորարարական Xstat սպունգների շնորհիվ, որոնք պատված են արյունահոսությունը կանգնեցնող հատուկ նյութով ու գտնվում են ճնշման տակ։ Սակայն երբ դրանք ներարկվում են վնասվածքի մեջ, սպունգները սկսում են ուռչել՝ արհեստական պատնեշ ստեղծելով արյան հոսքի համար։

Ներարկիչները ստեղծվել են 2 տարբերակով՝ մեծ ու փոքր հրազենային վնասվածքների համար։