Ամերիկացի ակնաբուժները զգուշացնում են, որ երիտասարդացնող ներարկումները` աչքի և ճակատի շրջանում, կարող են հանգեցնել անդառնալի կուրության: Զեկույցը, որում բերվում են նմանատիպ օրինակներ, հրապարավել է JAMA Ophthalmology ամսագրում:

Գիտնականները նախազգուշացնում են, որ աչքի հատվածում ներարկումները կարող են վնասել այդ հատվածում գտնվող մանր արյունատար անոթները, դրանով հասնել աչքի տեսողական համակարգին և շրջափակել արյան շրջանառությունը: Իսկ այդ դեպքում կանխատեսումը բոլորովին հուսադրող չէ` 50 տոկոս դեպքերում տեսողությունը նվազում է մինչ 0.01 տոլոս, իսկ 10 տոկոս դեպքերում մարդը ամբողջովին կուրանում է:

Մասնագետները նշում են, որ թեև նման դեպքերը քիչ են հանդիպում, այդուհանդերձ հիշել այս վտանգի մասին կարևոր է: