Ամենաշատ գեր մարդիկ ապրում են Չինաստանում և ԱՄՆ-ում, գրում է The South China Morning Post-ը՝ վկայակոչելով Վաշինգտոնի համալսարանի Institute for Health Metrics and Evaluation-ի նոր հետազոտությունը: Ըստ այդմ՝ աշխարհում կա ավելորդ քաշով կամ ճարպակալությունից տառապող 2,1 միլիարդ մարդ:

Գեր բնակչության կեսից ավելին ապրում է աշխարհի տասը երկրներում, որոնցում առաջատար են ԱՄՆ-ն (86,9 մլն) և Չինաստանը (62 մլն): Չինաստանում հատկապես լուրջ է մանկական գիրության խնդիրը: Այնտեղ նաև գեր տղաների թիվը կրկնակի գերազանցում է գեր աղջիկների թվին:

ԱՄՆ-ին և Չինաստանին գեր մարդկանց մեծ թվով հաջորդում են Տոնգան, Սամոան, Կիրիբատին, Քուվեյթը, Կատարը, Մարշալի կղզիները, Եգիպտոսը, Միկրոնեզիան, Լիբիան, Հորդանանը:

Սա առաջին նմանատիպ աշխատությունն է. գիտնականները 33 տարի շարունակ ուսումնասիրել են 188 երկրների բնակիչների: Պարզվել է, որ 1980-ին ավելորդ քաշ ունեցող մարդկանց թիվը 857 մլն էր:
tert.am