Ավարտվել է մաշկի քաղցկեղի զարգացմանը նվիրված միջազգային երկու խոշոր փորձարկման փուլը, որի արդյունքում պարզ է դարձել, որ քաղցկեղի բուժման հետ կապված վերջին հայտնագործությունները կարող են հեղաշրջում իրականացնել այդ հիվանդության բուժման գործում: Այս մասին հաղորդում է Meddaily.ru-ն՝ հղում կատարելով BBC-ին:

Անկախ փորձագետներից բաղկացած խումբը մելանոմայի դեմ պայքարող 2 դեղամիջոց (pembrolizumab և nivolumab) է ներկայացրել: Դրանք իմունային համակարգին օգնում են ճանաչել վիրուսներին և հարձակում գործել դրանց վրա: Դրանք արգելափակում են քաղցկեղի կողմից օգտագործվող կենսաբանական ճանապարհը, որը վերջիններս օգտագործում են իմունային համակարգից թաքնվելու նպատակով:

Մելանոմայի զարգացումը (երբ մաշկի քաղցկեղն արդեն թափանցում է այլ օրգաններ) շատ դժվարությամբ է բուժվում: Դեռևս վերջերս նման ախտորոշմամբ հիվանդների կյանքը մինչև 6 ամիս էր տևում, սակայն նոր դեղամիջոցների շնորհիվ ամեն ինչ փոխվել է:
tert.am