Ճապոնացի գիտնականները նոր տեխնոլոգիա են մշակել, որով արյան մեկ կաթիլի միջոցով 3 րոպեում կարողանում են հայտնաբերել վաղ փուլում գտնվող ուռուցքային հիվանդությունները. տեղեկացնում է РИА Новости գործակալությունը:

«Տեխնոլոգիան թույլ են տալիս ընդամենը մեկ կաթիլ արյան միջոցով պարզել չարորակ նորագոյացությունների առկայությունն ու վաղ շրջանում հայտնաբերել ստամոքսի, հաստ աղիքի և ենթաստամոքսային գեղձի քաղցկեղը: Եվ դա ընդամենը 3 րոպեում: Նման տեխնոլոգիա աշխարհում դեռ չկա»,- հաղորդել է MYTECH ընկերության գիտաշխատող Կացյուկի Խասեգավան:

Ընկերությունը մետաղե թիթեղ է պատրաստել, որը կարելի է տեղադրել հիվանդի արյան կաթիլի մեջ, որն ուլտրամանուշակագույն և այլ ճառագայթող լույսերի տակ լուսարձակում է: