Դեղերի նկարագրություն

Հայաստանում թմրամիջոցներով «գերդոզավորումից» մահանում է տարեկան 10-11 մարդ

« Մեր երկրում գրանցված է 3893 թմրամոլ, որոնցից 32-ը կին են», - ասաց նա:
Փորձագետի խոսքով` հիմնականում թմրամիջոցների գերի մարդիկ դառնում են դեռահաս տարիքում, և հետզհետե զարգանում է կախվածությունը: Ինչ վերաբերվում է մահացությանը, ապա, ըստ փորձագետի, մեծամասամբ մահանում են մեծ քանակությամբ թմրամիջոցների օգտագործումից, մահացության երկրորդական պատճառները թմրամոլության հետ անմիջական առնչություն ունեցող հիվանդություններն են, այդ թվում նաև` ՁԻԱՀ-ՄԻԱՎ-ը: Նրա խոսքով, թմրամոլները միջինում ապրում են 50 տարի:
«Հայաստանում թմրամիջոցներից, մեծամասամբ` «գերդոզավորումից» մահանում է տարեկան 10-11 մարդ, և միայն 0,1% դեպքում մահանում են այլ պատճառներից», - ասաց նա: Միաժամանակ, Պ.Սեմիրճյանի խոսքով` թմրամոլությունը սոցիալ-տնտեսական վիճակով չի պայմանավորված:
«Թմրամոլության տարածման և թմրամիջոցներից կախվածության զարգացումը մեծամասամբ կապված է ոչ թե շրջապատող հանգամանքներից և իրականությունից փախսուստի ցանկությամբ, այլ` զուտ հաճույքի ակնկալիքով», - ասաց Պ.Սեմիրճյանը: Ըստ բնանախոսի` թմրամոլ դառնալու մեծ ռիսկայնություն ունեն այն մարդիք, ում ընտանիքում ծխում են բոլորը, այդ թվում` մայրը, դա նաև ենթամշակութային միջավայրի դրսևորում կարող է լինել:
Նարկոլոգիական կլինիկայի ղեկավաը նշեց, որ աշխարհի տարբեր երկրներում թմրամոլության դեմ տարբեր կերպով և մակարդակներով են պայքարում, անցկացնում հատուկ կրթական ծրագրեր և այլն, սակայն անգամ հարյուր տոկոս բուժված հիվանդը հնարավոր է նորից վերադառնա իր կախվածությանը: «Սա հոգեբանական գործոն է», - ասաց նա:
Իր հերթին ասուլիսի մյուս բանախոս` հոգեբան Արմինե Ավդալյանի խոսքով, թմրամոլությունը ահազանգ է, որ այդ մարդը կյանքում որևէ լուրջ կարիք ունի: «Կախվածությունը այն է, երբ մարդ իրեն վատ է զգում այն բանից, ինչը իրեն առաջ հաճույք էր պատճառում: Գոյություն ունի սննդից, ծխախոտից, թմրանյութերից, սեքսից կախվածություն: Մարդը հաճախ մի կախվածությունը փոխարինում է մյուսով, դրանով փախուստ անելով իրականությունից, կենսական դժվարություններից: Դրա դեմ պայքարը պետք է սկսել դպրոցից»,-ասաց նա: