Դեղերի նկարագրություն

Պարզեցվել են դեղատնային գործունեության իրականացման հայտերի ձևերը

Ինչպես հայտնում է Հայաստանի Հանրապետության Կառավարության պաշտոնական կայքը, գործադիրը հավանություն է տվել Պալիատիվ բժշկական օգնության և սպասարկման զարգացման ռազմավարությանը և 2016-2019թթ. միջոցառումների ծրագրին: Ռազմավարության ներդրման հիմնական նպատակը հիվանդանոցային և արտահիվանդանոցային բժշկական հաստատությունների միջոցով պալիատիվ բժշկական օգնության և սպասարկման ծառայությունների համակարգված և ամբողջական մատուցման շնորհիվ անբուժելի, արագ զարգացող և հիվանդության վերջնական փուլում գտնվող հիվանդություններով տառապող անձանց կյանքի որակի բարելավման հնարավորության ստեղծումն է, հոգեբանական, սոցիալական և հոգևոր աջակցության ցուցաբերումը:
Արդյունքում ակնկալվում է պալիատիվ բժշկական օգնության և սպասարկման զարգացում, բնակչությանը մատուցվող պալիատիվ ծառայությունների մատչելիության, հասանելիության, որակի և արդյունավետության բարձրացում: Հայաստանում պալիատիվ բժշկական օգնության ծառայությունը հանդիսանում է առողջապահության համակարգի գործունեության նոր ուղղություն, ռազմավարական, սոցիալական կարևորագույն նշանակություն ունեցող ծառայություն: Ըստ վիճակագրական վերլուծության տվյալների՝ ՀՀ-ում պալիատիվ բժշկական օգնության ծառայությունների կարիք ունի օրական շուրջ 3000 հիվանդ: